આઈ હેવ નો મધરલેન્ડ

 

 

કાલે અમારા ગામમાં વરસાદ પડ્યો જ નહીં

આ હું ખચકાટ વગર  કહી  શકત

જો તારી જેમ મારો પણ કોઈ દેશ હોત.

 

***

મારા માર્ગદર્શકે  આ અસહ્ય  વેદના થકી કહ્યું હતું

કે મારે કોઈ માતૃભૂમિ જ નથી.

જ્યાં માતૃભૂમિ જ નથી ત્યાં ગામ ક્યાંથી લાવું?

***

દુકાળમાં ખભે દેડકાં બાંધી

નાચવું બંધ કરી દીધું છે અમે હવે

કેમકે પીડાનો વરસાદ પરાયા ગામમાં શીદ વરસે?

 ***

એ, તું આવી જા જો ક્યારેય યાદ આવી તો

મારી લીલી બેચેન છાવણી જોવા.

 ***

પરંતુ તારી પેઢી દર પેઢીએ સાચવ્યો છે એ મંદિરનો પિત્તળનો ઘંટ

સાથે લાવવાનું જોજે ભૂલતો!