સ્વાર્થી

 

 

સાવ ચોખ્ખેચોખ્ખું કહી દઉં છું.

અમને તમારી પર વિશ્વાસ રહ્યો નથી.

□□□

અમારી નબળાઈઓનો તમે ખૂબ ફાયદો ઉઠાવ્યો.

અમે પીસાતા રહ્યા, પણ તમને એનો જરાય અફસોસ નથી.

□□□

અમારી જિંદગીની નાનીશી કરૂણ કવિતા

સાંભળવા  પણ તમે નથી ઈચ્છતા.

□□□

અમે જે કંઇ પામ્યા એ બધું ત્રાસભરેલું

ને બાકી છે એ પણ ત્રાસભરેલું.

□□□

તમારી કહેવાતી મહાનતા તમને મુબારક.

□□□

તમારા ઝંડા બદલાય છે તમારી અનુકૂળતા મુજબ.

એ ડંડા થઇ  જાય છે , એ બરાબર નહીં.