માધુરી અગ્નિહોત્રી કહે છે, હું તને ચાહું છું

 

 

આજકાલ કોઈ વાતે મને કશી જ લાગણી થતી નથી.

રમખાણમાં કેટલા મર્યા, ગોળીબારમાં કેટલા ગયા ,

ભેળસેળમાં કેટલા ગુજરી ગયા, દુર્ઘટનામાં કેટલા ખતમ થયા,

ગુજરાતમાં શું થયું?

□□□

ગર્ભવતી પર કેટલાએ કર્યો બળાત્કાર?

બિલ્ડરે બાળ-બચ્ચાં સહીત કેટલી ઝૂંપડીઓ જલાવી?

બળવામાં કેટલી તલવારો લાલ લોહીથી રંગાઈ ?

 

□□□

હવે મારી ચેતના જ નપુંસક થઈ ગઈ છે.

□□□

જીવતી લાશ છું હું.

□□□

કદાચ એટલે જ, માધુરી અગ્નિહોત્રી કહે છે,

“યાર, પાંડુરંગ ખોબ્રાગડે, હું તને ચાહું છું, બેહદ!”