સાપની કવિતા

 

 

સાપ વિષે અનેક ખોટી માન્યતાઓ છે

જે દૂર કરવી જરૂરી છે.

૧.

બધા સાપ ઝેરી નથી હોતા.

આપણે એમની બીકથી જ મરી જઈએ છીએ.

ને મનનો ચોર છેવટ દગો દઈ જાય છે.

૨.

હકીકતમાં તો મદારીને પણ લાગે છે સાપનો ડર.

પરંતુ એ ચાલાકીથી સાપ ‘કબજે છે’ની વાત ઉપજાવી કાઢે છે.

૩.

સાપ કાંચળીમાં આવતાં જ આંધળો થઇ  જાય છે.

પરંતુ એની ઉપર આપણો સમજદાર પગ કેમ પડે છે ?

૪

માણસ સાપને કરડે છે એવું થતું નથી કદી.

નહીં તો સાપ નક્કી મરી જાય!

૫.

સાપને માણસ સાથે કોઈ લેવાદેવા નથી.

પરંતુ દહેશત માટે આપણને એ જોઈએ છે.

૬.

દરમાં દૂધ રેડીને માણસ જ એને બહાર નીકળવા મજબૂર કરી દે છે

ને એને કચડી નાખતી વેળા પોતે જ સાપ બની જાય છે.

એટલે બે જીભાળાને જોતાં જ હું ડરથી થર થર ધ્રુજી ઉઠું છું.